Tiosongo Tsoon na lièʼ lepfwo’o na sang mbung a na ngouʼ ntsaʼ pua lé ntsob tûa lé mom mbua.
Metsitsa chwongé po tsué laʼa Ngiemboon tsaa ganga
Á
mbwo noontema’ fouo Ngiemboon.
Zoon metua, peg naa yoon ngwa’ne lélog ésie gou mboo mekem la’ ntsém.
Pouʼ ntu te sie, peg te ging nda’a ndié wo. Kwa’ mmo gie a gege wég a gwo pa’ gie achwongé po tsué la’a yégé tchu’u mbou mbié pie.
Pou’ ntu te sie! Gia pa’ gie p̧ua ngiemboon tchu’ ndogo po chwongé ndouolouo échwonge tsaa metsinge nda mob.
Niing guie a kag tu tè’ a gwaa ne échwonge ngiemboon nne mvongte lé metso mechwongé ndia’a
Á laa tso fu’, mé gwaa toum penku naa mbua la’ tsaa tam a gwo légua nzi’i chwongé po tsué la’ kwa’ mbongo. Ta’ aa lia’oon mba a keen ésa chio.
penku tchu’u ngee mbua la’ ntsieen po mema pob pelio na chwongé ndouolouo.
mbing te gwaa éfo wo nzi’i yòb tso two mmo na chwongé Ngiemboon wo.
Á gwò pou’ou, etso ntsem gie ngwo mé ginge ntiòg ndog nkwaa e la’ te wo wo Ala’a yégé logo pou’ou ntchu’u ngwo po pa’ tio te mengang la.
Ewégé chio logo pou’ou mbou mbié . Zoon metua, pege lòòn ndie lie mba la’ ma ge pou tchungte.
Ankwobo, peg ne nzsé ngie lelio pua té ginge nguiin tam légua nzogo nda sekou nnénge nzi’i chwongé la’ wo
Ta’ peg ge chwongo gou lemang sie é keen nto.
Mé tong le sekou chwongé Ngiemboon tsaa ganga.
Ńgwo gie gning loon ntsué po nzo ju’ ndoum njio wo, a nénge po mbua yé ndògò kuikuile we nzi’i ta éfele.
Lelio pua gné te zse ya nti sekou. Leping ngio ta mé pou nzsé, aa léna nku mbwo mekem la’ mboo mefouo ngiemboon pie ée tsaa metiosong ntsém.
Nzsé ngie wowoo kouou na yé ju’ nging ntsege wa nku mbwo pua pé mé pou nzua’.
Shouchou mba zoon metua, pege kag tu lékou’te chwongé po tsué la’a yégé
nzsé ngie pege log nkwa yege nzém.
Mekouʼ mba loo !
Ée metsitsa chwongé po tsué la’a ngiemboon tsaa ganga
Batcham ville, le 09 Août 2025
————————————————
Les moniteurs en ligne de la langue ngiemboon
A Votre Majesté, Rois Ngiemboon
Pour le Collectif
Contact :
M. PIATA LÉONARD, Promoteur et superviseur général de l’enseignement en ligne du ngiemboon, Membre d’honneur du CLCN
📞 Tél. : 699 48 05 15 / 📱 WhatsApp : 677 96 58 63
📧 Emails : leonardpiata2019@gmail.com / leonardpiata@yahoo.fr
© Mesa’ako Patsoon N° 009 juillet 2025, édition consacrée au Laakem et la sortie officielle de Fouo Djiotsoon
